Spænsk kartöflukaka er fljótlegur og góður kvöldmatur – og bragðast dásamlega köld líka.

Kartöflukaka og tómatsalsa fyrir 4

• Kartöflutortilla
• 1 dl ólífuolía
• 800gr kartöflur
• 1 laukur, fínsaxaður
• 5 egg
• salt og pipar
• Tómatsalsa
• 2 tómatar, þroskaðir
• 1 rautt chili, lítið
• 1 skallottulaukur
• safi úr 1 lime
• 1 msk ólífuolía
• hnífsoddur cumin, malað
• hnífsoddur reykt paprikuduft
• 1 msk balsamedik

Undirbúningur: 25 mínútur

Eldunartími: 25 mínútur

Hitaðu olíuna í stórri steikarpönnu. Þetta er nokkuð magn af olíu en þú ætlar að  hálf djúpsteikja kartöflurnar. Flysjaðu kartöflurnar og skerðu í litla bita, settu í olíuna og steiktu á háum hita í 1 mínútu, lækkaðu þar næst hitann og steiktu á meðalhita í 5-7 mínútur, eða þar til kartöflubitarnir eru mjúkir inn að miðju. Prófaðu þetta með því að stinga gaffli í kartöflubita.

Taktu kartöflurnar úr pönnunni og settu í skál. Stráðu smá salti yfir.

Sláðu saman eggjunum og helltu yfir kartöflurnar í skálinni. Blandaðu vel saman og kryddaðu með smá salti og pipar.

Helltu eggjablöndunni með kartöflunum yfir í heita steikarpönnuna, hristu aðeins til í henni svo að blandan jafnist vel um pönnuna, lækkaðu hitann.

Það tekur um 4 mínútur fyrir eggin að byrja að eldast, þegar þú sérð að eggið fer að stífna ofan á kartöflunum þá rennirðu kartöflukökunni yfir á stóran disk, snýrð pönnunni á hvolf yfir diskinn og snýrð ákveðið.

Diskur upp, panna niður!

Nú steikirðu hina hliðina á kökunni. Það ætti að taka um 3-4  mínútur.

Slökktu þá undir pönnunni og búðu til tómatsalsað.

Til að útbúa tómatsalsa þá saxarðu tómatana, chili og laukinn og blandar öllum hráefnunum saman í skál, kryddar til með salti og pipar og lætur standa í 5 mínútur.
Það er nægur tími til að leggja á borðið, koma kartöflukökunni á fínan og góðan disk eða bretti og ná heimilisfólki við matarborðið.

Berðu fram í sneiðum með tómatsalsa ofan á og fersku salati.