Warning: Cannot modify header information - headers already sent by (output started at /home/allskonar/Sites/allskonar.is/allskonar/wp-content/themes/tasty/header.php:3) in /home/allskonar/Sites/allskonar.is/allskonar/wp-content/themes/tasty/header.php on line 11
allskonar.is | Blómkáls- og rófupickle
Print Friendly

Þetta pickle sækir bragðið í pakistanska matargerð, einfalt en bragðmikið og passar vel með grænmetis- og baunaréttum.

Það sem er frábært við þessa uppskrift er að þetta kostar lítið sem ekkert en er alveg meiriháttar að eiga til að bera fram með mat og koma fólki á óvart, svo má nota í þetta íslenskt grænmeti.

Þetta pickle má líka borða strax, það þarf ekki að lagerast í einhvern tíma fyrir átu, og því fljótlegt að búa til þegar þig langar í.

Blómkáls- og rófupickle

  • 3msk hrásykur
  • 150ml eplaedik
  • 100ml olía (ólífu, hnetu eða repju)
  • 1 hvítlauksrif, marið
  • 1 tsk rifin engiferrót
  • 200gr blómkál, tekið í sundur
  • 3 gulrætur, í bitum
  • 100gr gulrófur í bitum
  • 2msk brún sinnepsfræ, möluð
  • 1msk salt
  • 1/2 tsk chili duft
  • 1tsk paprikuduft
  • 1/2tsk garam masala

 

Undirbúningstími: 30 mínútur

Eldunartími: 15 mínútur

 

Settu sykur og edik í pott á lágan hita og hrærðu vel í á meðan að sykurinn leysist upp, þá má slökkva undir pottinum.

Helltu olíunni í stóra pönnu á meðalhita og steiktu hvítlaukinn og engiferinn í hálfa mínútu þegar olían er orðin heit. Bættu þá á pönnuna blómkálinu, gulrótunum og rófunum og hrærðu vel svo að grænmetið verði þakið í olíu. Lækkaðu undir pönnunni og settu kryddið yfir og blandaðu vel saman. Því næst hellirðu ediks-sykurblöndunni yfir og hrærir vel.

Taktu pönnuna af hitanum og leyfðu öllu að kólna.

Þetta er sett í stóra krukku (1-2 krukkur) og ediki og olíunni úr pönnunni hellt yfir.

Það er hægt að borða þetta strax en þetta má geyma í ísskáp í allt að 1 mánuð.