Warning: Cannot modify header information - headers already sent by (output started at /home/allskonar/Sites/allskonar.is/allskonar/wp-content/themes/tasty/header.php:3) in /home/allskonar/Sites/allskonar.is/allskonar/wp-content/themes/tasty/header.php on line 11
allskonar.is | Rjómapönnukökur
Print Friendly

Í dag er uppskrift af silungasúpu sem er gamaldags og dásamleg og því er tilvalið að hafa uppskrift af rjómapönnukökum með til að fullkomna máltíðina.

Rjómapönnukökur

  • 250gr hveiti
  • 2 tsk lyftiduft
  • 1 msk hunang
  • hnífsoddur salt
  • 1/2 vanillustöng
  • 7 dl mjólk
  • 1 egg
  • 4 msk brætt smjör
  • þeyttur rjómi
  • sulta að eigin vali
  • fersk ber

Blandaðu saman í skál þurrefnunum og helltu mjólkinni út í, byrjaðu á um 5 dl. Settu nú eggið, hunang og brætt smjör út í og hrærðu vel. Taktu fræin innan úr hálfri vanillustöng og settu út í.

Hrærðu vel með písk til að deigið verði alveg kekkjalaust og bættu afgangnum af mjólkinni saman við.

Steiktu á pönnu þunnar kökur og láttu kólna áður en þú fyllir þær með rjóma, sultu og berjum.

Berðu fram á fallegustu diskunum sem þú átt og njóttu.