Linsupottréttur með döðlum
Dásamlega bragðmikill pottréttur innblásinn af Norður-afrískri matargerð, með rauðum linsubaunum og þurrkuðum ávöxtum, kryddaður en sætur, ódýr og einfaldur.
Linsupottréttur fyrir 4
- 3 apríkósur
- 8 sveskjur, steinlausar
- rifinn börkur af 1 lime
- safi úr 1 lime
- 1 tsk púðursykur
- 1 msk cuminfræ
- 1 msk olía
- 1 lítill laukur, fínsaxaður
- 1 hvítlauksrif, marið
- 7 cm engiferrót, rifin
- 250 gr rauðar linsubaunir
- 2 lárviðarlauf
- 900ml grænmetissoð
- 100 gr döðlur, saxaðar
Eldunartími: 45 mínútur
Settu apríkósurnar, sveskjurnar, limebörkinn og limesafann og púðursykurinn í matvinnsluvél eða mortél og búðu til mauk. Settu til hliðar.
Láttu pönnu á góðan hita og þurrsteiktu cuminfræin þar til þau fara að ilma vel, athugaðu að þau geta brunnið hratt, fylgdust vel með. Settu þau til hliðar.
Hitaðu nú olíuna á pönnu og steiktu laukinn og hvítlaukinn í 3-4 mínútur eða þar til laukurinn verður glær og mjúkur.
Bættu þá við engiferrótinni og steiktu í 1-2 mínútur í viðbót. Hrærðu vel í á meðan.
Nú malarðu cumin fræin og setur út í pönnuna, bætir svo við linsubaununum, lárviðarlaufunum og soðinu. Hrærðu sveskjumaukinu vel saman vaið og láttu þetta allt sjóða í um 25 mínútur eða þar til linsubaunirnar eru soðnar.
Döðlunum er nú bætt í og hrært vel, láttu þetta malla allt í 2-3 mínútur í viðbót.
Berðu fram með baunaspírum eða ferskum kóríander, granateplafræjum eða ferskri myntu, og heimagerðum flatkökum.
No Comments
Trackbacks/Pingbacks