Warning: Cannot modify header information - headers already sent by (output started at /home/allskonar/Sites/allskonar.is/allskonar/wp-content/themes/tasty/header.php:3) in /home/allskonar/Sites/allskonar.is/allskonar/wp-content/themes/tasty/header.php on line 11
allskonar.is | Lasagna rúllur
Print Friendly

Lasagnarúllur með sveppafyllingu fyrir 4

  • 8-10 lasagnablöð
  • SÓSA
  • 2 msk ólífuolía
  • 3 hvítlauksrif, marin
  • 1 tsk capers, fínsaxað
  • 1 skallottulaukur, fínsaxaður
  • 1 msk rifinn parmesan
  • 1 dós hakkaðir tómatar
  • 1 msk tómatpúrra
  • salt og pipar
  • FYLLING
  • 2 msk smjör
  • 200gr sveppir
  • 3 fínsaxaðir skallottulaukar
  • 400gr rjómaostur
  • 1 gulrót, fínsöxuð
  • 3 vorlaukar, fínsaxaðir
  • 150gr ostur, rifinn
  • 1 tsk oregano
  • handfylli steinselja
  • 1/2 tsk salt
  • 1 egg

Undirbúningur: 20 mínútur

Eldunartími: 45 mínútur

Hitaðu ofninn í 170°C.

Byrjaðu á að sjóða lasagneblöðin.

Á meðan pastað sýður útbýrðu sósuna.

Settu olíu í pott og steiktu hvítlauk, capers og skallottulaukinn í 1-2 mínútur. Helltu þá hökkuðum tómötum út í ásamt rifnum parmesan, tómatpúrru og smakkaðu til með salti og pipar. Láttu malla við vægan hita á meðan þú útbýrð fyllinguna.

Fylgdust vel með suðutímanum á lasagnablöðunum- þegar þau eru nærri fullsoðin þá tekurðu þau úr pottinum, skolar undir köldu vatni og leggur til þerris á bökunarpappír.

Til að gera fyllinguna þá seturðu smjör í pönnu og steikir sveppina, gulrótina og hvítlaukinn í 5 mínútur.
Settu í stóra skál helminginn af rifna ostinum ásamt rjómaostinum, oregano, salti og pipar, steinselju og eggi. Hrærðu vel saman. Bættu sveppunum við þegar þeir eru steiktir.

Til að fylla í rúllurnar þá byrjarðu á að setja helminginn af sósunni í botninn á eldföstu móti.

Settu fyllinguna inn í hverja rúllu, rúllaðu upp og settu í mótið, með lausa endann niður. Haltu áfram að fylla í rúllurnar þar til þú ert búin/n með hráefnið.
Helltu nú afgangnum af sósunni yfir og stráðu afgangnum af rifna ostinum yfir.

Bakaðu í ofninum í 25 mínútur.
Geggjað með fersku grænu salati og það er alveg tilvalið að drekka gott rauðvín eins og Tomassi Romeo með.
Verði þér að góðu.