Print Friendly, PDF & Email

Lambapottréttur fyrir 4

  • 3 msk ólífuolía
  • 600ml vatn
  • 1 msk tómatpúrra
  • 2 tsk kanil, malaður
  • 750gr lambakjöt, í bitum
  • 1 msk paprikuduft
  • 2 laukar, í sneiðum
  • 2 sellerístilkar, í bitum
  • 2 gulrætur, í bitum
  • 6 hvítlauksrif, söxuð
  • 1/2 sellerírót, í bitum
  • 1/2 gulrófa, í bitum
  • 3 kartöflur, flysjaðar og í bitum
  • 1 kúrbítur, í bitum
  • 3 msk ferskar kryddjurtir (minta, steinselja, kóríander, basilikka – bara það sem er til)
  • 1 msk harissa eða smá caeyenne pipar
  • salt og pipar

Undirbúningstími: 15 mínútur

Eldunartími: 70 mínútur


Settu olíuna, vatn, kanil  og tómatpúrru í pott og þeyttu vel saman. Taktu lambakjötið og kryddaðu með salti og pipar og paprikuduftinu, settu út í pottinn ásamt lauk, hvítlauk, sellerí, gulrótum, sellerírót, rófu og kartöflum.

Láttu suðuna koma upp, settu lok á pottinn og sjóddu í 30 mínútur. Hrærðu í annaðslagið.

Bættu nú við kúrbítnum og sjóddu í aðrar 30 mínútur til viðbótar. Nú á kjötið að vera orðið mjög meyrt.

Kryddaðu með harissu kryddmauki eða cayenne pipar, stráðu ferskum kryddjurtum yfir og berðu á borð. Það er gott að hafa með þessu salat eða hrísgrjón eða flatkökur.