Warning: Cannot modify header information - headers already sent by (output started at /home/allskonar/Sites/allskonar.is/allskonar/wp-content/themes/tasty/header.php:3) in /home/allskonar/Sites/allskonar.is/allskonar/wp-content/themes/tasty/header.php on line 11
allskonar.is | Krydduð grillpylsa
Print Friendly

Þessi pylsa er sneisafull af bragði, hún er frábær á grillið eða pönnuna, bökuð inni í ofni með kartöflum og ristuðu grænmeti, út í pottrétt…

Í raun getur þú gert hvað sem þér dettur í hug við þessa pylsu.

Þú þarft ekki pylsugerðarvél til að geta notað þér uppskriftina af kjötdeiginu í t.d. borgara eða bollur.

Uppskriftin miðast við rúmlega 1 kg af pylsudeigi

Kryddpylsa

  • 1 kg grísahakk
  • 1 stór laukur, fínsaxaður
  • 3 hvítlauksrif, marin
  • 1 rautt chili, fínsaxað
  • 4 tsk rauðvínsedik
  • 2 tsk Ungversk paprika
  • 1 tsk timian
  • 1 lárviðarlauf, mulið
  • 1 msk salt
  • 1/2 tsk svartur pipar, nýmalaður
  • 1/4 tsk cayenne pipar

Settu öll innihaldsefnin í skál og hnoðaðu saman í deig.

Ef þér finnst deigið vera aðeins of blautt þá geturðu bætt örlitlu af brauðmylsnu í deigið, eins og 4-5 msk.

Settu í pylsugarnir með pylsugerðarvél eða búðu til borgara eða kjötbollur.

Grillaðu á sjóðheitu grilli þar til pylsurnar verða brúnar, eða steiktu á pönnu eða bakaðu í ofni.