Warning: Cannot modify header information - headers already sent by (output started at /home/allskonar/Sites/allskonar.is/allskonar/wp-content/themes/tasty/header.php:3) in /home/allskonar/Sites/allskonar.is/allskonar/wp-content/themes/tasty/header.php on line 11
allskonar.is | Klístraður kjúklingur
Print Friendly

Þú þarft að útbúa kryddblöndu sem fer bæði í kryddlög og soðvatnið fyrir þessa uppskrift. Þú getur svo notað afganginn af kryddblöndunni út í grillsósur eða útbúið meiri kryddlög og notað á bæði kjúkling og rautt kjöt – alger snilld fyrir grillsumarið sem er framundan.

Klístraður Kjúklingur

    • Kryddblanda
    • 2 tsk svört piparkorn
    • 3 stjörnuanís
    • 6 negulnaglar
    • 1 msk kanill
    • 1 msk fennelfræ
    •  –
    • 1 kjúklingur
    • 1 dl sojasósa
    • 2 tsk salt
    • 3 hvítlauksrif, marin
    • 4cm engiferrót, í sneiðum
    • 2 tsk kryddblanda
    • 4dl vatn
    •  –
    • Kryddlögur
    • 2 msk hunang
    • 2 msk sojasósa
    • 1 tsk kryddblanda
    • 2 msk þurrt sherry eða hrísgrjónaedik
    • 1 tsk sesam olía
Undirbúningstími: 30 mínútur
Eldunartími: 60 mínútur

 

Byrjaðu á að gera kryddblönduna, malaðu allt kryddið mjög vel saman í kvörn eða mortéli. Settu til hliðar.
Skerðu kjúklinginn í tvennt.
Settu í stóran pott sojasósu, salt, hvítlauk, engiferrót og kryddblöndu ásamt vatninu og settu kjúklinginn í pottinn. Láttu sjóða í lágum hita í 7-10 mínútur á hvorri hlið, það þarf að snúa kjúklingnum. Passaðu að hafa nægilega lágan hita en samt að sjóði. Taktu kjúklinginn úr pottinum og settu í eldfast mót.
Hitaðu ofninn í 180°C.
Blandaðu saman hráefninu fyrir kryddlöginn og penslaðu kjúklinginn með honum.
 Steiktu kjúklinginn í ofninum í 45 mínútur til 1 klst, penslaðu hann reglulega með kryddleginum. Þegar kjúklingurinn er tilbúinn þá þarf hann að standa í 10 mínútur áður en þú skerð hann.
Borið fram með stökku og góðu salati og hrísgrjónum.