Warning: Cannot modify header information - headers already sent by (output started at /home/allskonar/Sites/allskonar.is/allskonar/wp-content/themes/tasty/header.php:3) in /home/allskonar/Sites/allskonar.is/allskonar/wp-content/themes/tasty/header.php on line 11
allskonar.is | Kjúklingur með kókos
Print Friendly

Þessi kjúklingur er alveg æðislegur á grillið, steiktur á pönnu eða steikur í ofni. Létt og ferskt bragðið af kóríander og sítrónu ásamt kókos er alveg meiriháttar.

Kjúklingur með kókos og kóríander fyrir 4

  • 1 1/2 kg kjúklingabitar
  • 1 tsk turmerik
  • 1 tsk karríduft
  • 2 hvítlauksrif, marin
  • 2 cm engiferrót, rifin
  • 1 msk hunang
  • 1 tsk fiskisósa
  •  1 sítróna, safi og börkur
  • 30 gr saxaðar möndlur
  • 10 gr sesamfræ
  • 20 gr rifinn kókos
  • lúkufylli kóríander (má vera minna)
  • salt og pipar

Undirbúningur: 1 klst

Eldunartími: 15-30 mínútur

Blandaðu öllu saman nema kjúklingnum í stórum zip lock plastpoka. Hrærðu/nuddaðu öllu vel saman og settu svo kjúklingabitana út í pokann og nuddaðu kryddblöndunni vel inn í kjötið. Það getur verið ágætt að skera eins og 1 skurð í hvern bita til að fá kryddið meira inn í kjötið.

Lokaðu pokanum rækilega og láttu marinerast í ísskáp í amk 1 klukkustund.

Þú getur grillað bitana, mundu þá að setja vel af olíu á þá til að þeir fái stökka og fína húð.

Ef þú ætlar að steikja bitana í ofni þá hitarðu ofninn í 180°C og steikir í 30 mínútur og snýrð bitunum eftir 15 mínútur.

Ef þú ætlar að steikja á pönnu þá geturðu notað grillpönnu eða venjulega pönnu, smávegis olíu og steikir þar til bitarnir eru vel brúnir allan hringinn.

Algert nammi!