Print Friendly, PDF & Email

Kínóa er næringarríkt og orkugefandi korn frá Andesfjöllunum með mildu hnetubragði.

Uppskriftin er fyrir 2-3 sem aðalréttur en meðlæti fyrir 4-5.

Kínóasalat

  • 2 meðalstórar rauðrófur
  • repjuolía
  • 300gr soðið kínóa
  • 1/2 sítróna, safi og rifinn börkur
  • 5 msk ólífu olía
  • góð sneið vatnsmelóna
  • 1 tsk oregano
  • salt og pipar
  • 1/2 lítill rauðlaukur, þunnt sneiddur
  • 1/2 fetakubbur, mulinn

Undirbúningur: 5 mínútur

Eldunartími: 40 mínútur

Hitaðu ofninn í 190°C.

Flysjaðu rauðrófurnar og skerðu í fernt. Nuddaðu smávegis olíu inn í þær, vefðu inn í álpappír og bakaðu í ofninum í 40 mínútur.

Sjóddu kínóað ef þú átt ekki soðið tilbúið. Þú þarft um 1 1/2 bolla kínóa og 3 bolla vatn, pínu salt. Sjóddu í 15 mínútur og hrærðu svo vel í því með gaffli til að losa í sundur.

Á meðan hrærðu saman dressingunni í skál. Settu sítrónusafa, sítrónubörk, oregano, smávegis salt og nýmalaðan pipar í skál. Ekki setja of mikið salt því að fetaosturinn kemur með salta tóna í salatið.

Hrærðu kínóanu og  þunnt sneiddum rauðlauk saman.

Skerðu melónuna í bita og bættu í.

Þegar rauðrófurnar eru tilbúnar tekurðu þær úr álpappírnum og skerð í litla bita og setur út í kínóað.

Myldu fetakubbinn yfir og dreifðu svo dressingunni yfir allt saman.

Það er fallegt að setja smá ferskar kryddjurtir yfir og rifinn börk af sítrónu eða appelsínu – og gefur líka gott bragð.