Warning: Cannot modify header information - headers already sent by (output started at /home/allskonar/Sites/allskonar.is/allskonar/wp-content/themes/tasty/header.php:3) in /home/allskonar/Sites/allskonar.is/allskonar/wp-content/themes/tasty/header.php on line 11
allskonar.is | Fjallagrasabrauð
Print Friendly

Fjallagrasabrauð

  • 10 gr fjallagrös (um 2 lúkur)
  • vatn
  • 375 gr heilhveiti
  • 75 gr malað byggmjöl
  • 100 gr hafragrjón
  • 35 gr sólblómafræ
  • 2 msk pálmasykur eða hrásykur
  • 1 msk lyftiduft
  • 1 tsk matarsódi
  • 1 tsk salt
  • 5 dl mjólk (eða annar vökvi)

Undirbúningur: 20 mínútur
Baksturstími: 60 mínútur
Byrjaðu á því að leggja fjallagrösin í bleyti í skál með köldu vatni svo fljóti vel yfir.
Blandaðu saman í stórri skál öllum þurrefnunum; heilhveiti, byggmjöli, hafragrjónum, sólblómafræjum, sykri, lyftidufti, matarsóda og salti. Hrærðu vel saman.

Smurðu 2 lítil brauðform vel að innan.
Hitaðu nú ofninn í 190° undir og yfirhita, ekki nota blástur.
Helltu vatninu af fjallagrösunum og grófsaxaðu þau. Blandaðu út í þurrefnablönduna. 
Blandaðu nú mjólkinni eða vökvanum saman við og hrærðu vel.
Þú getur notað sojamjólk, möndlumjólk, haframjólk, súrmjólk, hreina jógúrt eða bara vatn ef þú vilt ekki nota mjólk.
Skiptu deiginu í formin og bakaðu neðarlega í ofninum í um eina klukkustund eða þar til prjónn kemur hreinn út þegar þú stingur í deigið.

Dásamlegt með smjöri og osti.

IMG_1156-2