Print Friendly, PDF & Email

Þessi fiskréttur er fljótlegur og einfaldur og alveg frábær með kartöflum og salati eða bara grófu brauði eða hvítlauksbrauði.

Fiskur í tómat og feta fyrir 4

  • 1 msk olía
  • 1 laukur, fínsaxaður
  • 2 hvítlauksrif, fínsöxuð
  • 1/4 tsk chiliflögur
  • 1 dl vatn
  • 1/ teningur grænmetiskraftur
  • 1 dós hakkaðir tómatar
  • 1 tsk oregano
  • 1 tsk majoram
  • 2 stjörnuanís
  • góð handfylli steinselja
  • 2 msk basilikka, fersk söxuð
  • 200 gr fetaostur, mulinn
  • salt og pipar
  • 600gr fiskur

Undirbúningur: 10 mínútur

Eldunartími: 40 mínútur

Hitaðu ofninn í 170°C.

Settu olíuna í pönnu og steiktu laukinn þar til hann er mjúkur, í um 5 mínútur. Bættu þá við hvítlauk og chiliflögunum og steiktu í um hálfa mínútu. Helltu vatninu út í og settu hálfan grænmetiskraft tening, hrærðu vel þar til teningurinn leysist upp. Settu þá tómatana, oregano, majoram og stjörnuanísinn út í og láttu malla í 10-15 mínútur eða þar til sósan fer að þykkna. Taktu af hitanum og bættu steinseljunni og basilikkunni út í, 2/3 af fetaostinum og smakkaðu til með salti og pipar.

Skerðu fiskinn í bita og raðaðu í eldfast mót. Helltu sósunni yfir fiskinn og myldu afganginn af fetaostinum yfir.

Bakaðu í ofninum í 10-15 mínútur eða þar til fiskurinn er tilbúinn og osturinn er gullinbrúnn.

Við mælum með að drekka Tommasi Appassimento Adorato með þessum rétti.