Warning: Cannot modify header information - headers already sent by (output started at /home/allskonar/Sites/allskonar.is/allskonar/wp-content/themes/tasty/header.php:3) in /home/allskonar/Sites/allskonar.is/allskonar/wp-content/themes/tasty/header.php on line 11
allskonar.is | Fiskisúpa með rækjum
Print Friendly

Fljótleg og matarmikil. Þú getur sleppt kókosmjólkinni og notað rjóma í staðinn, eða notað kókosmjólk alveg í staðinn fyrir mjólkina. Osturinn í endann er bæði til að gefa bragð og fyllingu, en þú getur sleppt honum ef þú vilt.

Reyndu að velja eins ferskan og góðan fisk og þú getur í súpuna.

Fiskisúpa fyrir 4

  • 2 msk olía
  • 1 púrrulaukur, í sneiðum
  • 1 fennell, saxaður gróft
  • 4 sellerístönglar, saxaðir
  • 2 lárviðarlauf
  • salt og pipar
  • 1/2 dl þurrt hvítvín
  • 165 ml kókosmjólk(lítil dós)
  • 500 ml mjólk
  • 100 ml vatn
  • 2 teningar grænmetiskraftur
  • 2 flök fiskur að eigin vali
  • 250 gr risarækja
  • 1/3 af Mexíkóosti eða 4 msk rjómaostur
  • fersk steinselja

Settu olíu í pott og steiktu púrrulauk, fennel og sellerí í 3-4 mínútur. Bættu nú við salti og lárviðarlaufum og haltu áfram að steikja við vægan hita þar til grænmetið er mjúkt (7-8 mínútur).

Helltu hvítvíninu út í pottinn og láttu sjóða kröftuglega í 2-3 mínútur, lækkaðu þá hitann og helltu kókosmjólk, mjólk og vatni ásamt grænmetiskraftinum. Láttu suðuna koma upp og mallaðu í 5 mínútur.

Bættu nú fiskinum í bitum í pottinn og láttu sjóða í 5 mínútur í viðbót, settu þá rækjurnar í og láttu sjóða í aðrar 5 mínútur.

Bættu ostinum út í og hrærðu varlega í 1 mínútu á meðan hann bráðnar.

Taktu af hitanum, smakkaðu til með salti, settu í skálar og stráðu steinselju yfir.

Berðu súpuna fram með nýbökuðu brauði og smjöri.