Warning: Cannot modify header information - headers already sent by (output started at /home/allskonar/Sites/allskonar.is/allskonar/wp-content/themes/tasty/header.php:3) in /home/allskonar/Sites/allskonar.is/allskonar/wp-content/themes/tasty/header.php on line 11
allskonar.is | Fiski Fajitas
Print Friendly

Þú getur notað hvaða fisk sem þú vilt í uppskriftina, hann er mjög kryddaður og mestu gildir að fiskurinn sé ferskur.

Fiski Fajitas fyrir 4

  • 500gr fiskur
  • 1msk paprikuduft
  • 2tsk pipar, nýmalaður
  • 1 tsk salt
  • 1 tsk oregano
  • 1/2 tsk cayenne pipar
  • 1 hvítlauksrif, marið
  • 1 laukur, sneiddur
  • 1 paprika (rauð eða græn), sneidd
  • ólífu olía
  • salat
  • tómatar
  • rifinn ostur
  • salsa sósa
  • 8 tortillukökur
  • lime sneiðar

Undirbúningur: 10 mínútur

Eldunartími: 20 mínútur

Blandaðu saman í stórri skál paprikudufti, pipar, salti, oregano og cayenne pipar.

Skerðu fiskinn í bita, rúmlega munnbitastærð. Settu í poka og helltu kryddblöndunni yfir. Merðu hvítlaukinn út í pokann.
Hristu nú pokann varlega til að kryddblandan jafnist um allan fiskinn.

Hitaðu olíu á stórri pönnu og steiktu laukinn og paprikuna í 5 mínútur við góðan hita þar til paprikan er stökk að utan. Taktu úr pönnunni og settu í skál.

Settu nú olíu aftur á pönnuna og steiktu fiskinn við meðalhita í 3-4 mínútur. Þú gætir þurft að steikja fiskinn í áföngum, það er betra að hafa minna á pönnunni en meira.

Þegar þú berð réttinn fram er skemmtilegt að hafa allt hráefni í sitt hverri skálinni og hver og einn setur saman eigin vefju.

Það er nauðsynlegt að kreista smá lime safa yfir fiskinn og hafa vel af osti og salsa sósu.