Engiferdrykkur

Rífðu engiferrótina í grófu rifjárni eða í matvinnsluvél, það þarf ekki að flysja hana heldur bara skola hana vel. Allt gumsið er sett í stóra skál.

Taktu nú gula börkinn utan af 2 sítrónum með grænmetisflysjara(passa að hafa ekkert hvítt með) og settu yfir engiferinn í skálinni.

Bættu svo hunanginu/sýrópinu við og stappaðu vel saman í um 10 sekúndur til að blanda bragðinu saman.

Þá er hellt  yfir þetta 1L af sódavatni og láta standa í 5-8 mínútur. Þá má smakka til, ef of súrt, þá meira hunang/sýróp, ef of sætt, þá meiri sítrónusafa.

Sigtaðu þetta í gegnum gróft sigti í könnu, settu fullt af klaka og smá ferska myntu með eða sítrónumelissu, og fylltu upp með meira sódavatni ef þarf.