Warning: Cannot modify header information - headers already sent by (output started at /home/allskonar/Sites/allskonar.is/allskonar/wp-content/themes/tasty/header.php:3) in /home/allskonar/Sites/allskonar.is/allskonar/wp-content/themes/tasty/header.php on line 11
allskonar.is | Eggaldin í fenneljógúrtsósu
Print Friendly

Þessi réttur er dásamlega bragðmikill og bestur borðaður heitur með hrísgrjónum og/eða poori brauði.

Eggaldin í fenneljógúrtsósu fyrir 4

  • 1 stórt eggaldin, sneitt
  • 500ml hrein jógúrt
  • 1 tsk salt
  • olía
  • 1 hvítlaukrif, marið
  • 3 grænar kardimommur
  • 2 tsk fennelduft
  • 2 tsk engiferduft
  • 1/2 tsk turmerik
  • 1-2 tsk chiliduft

Undirbúningur: 5 mínútur

Eldunartími: 20 mínútur

Hrærðu saman jógúrti og salti í skál og settu til hliðar.

Hitaðu olíu í stórri pönnu og steiktu eggaldinsneiðarnar þar til þær eru gullinbrúnar. Taktu þær þá af pönnunni og láttu á eldhúspappír til að þerra af þeim olíuna.

Hitaðu 2 msk olíu í pönnu og steiktu hvítlaukinn og kardimommurnar í nokkrar sekúndur. Hrærðu þá jógúrtinu saman við.

Bættu fennel, engifer og chilidufti saman við. SJóddu á meðalhita í 3 mínútur og hrærðu stöðugt í. Bættu þá eggaldininu út í og berðu fram.

 

Poori Brauð fyrir 4

  • 250gr hveiti
  • 1 msk lyftiduft
  • 1/2 tsk salt
  • mjólk
  • olía

Undirbúningur: 5 mínútur

Eldunartími: 10 mínútur

Blandaðu saman hveiti, lyftidufti og salti. Settu næga mjólk saman við þannig að rétt loði saman og hnoðaðu vel. Þegar þú ert búin/n að hnoða deigið skiptir þú því í 8 jafna hluta.

Taktu hvern hluta fyrir sig, flettu út mjög þunnt, berðu olíu á og brjóttu saman, fletja aftur út mjög þunnt og bera aftur olíu á og brjóta aftur saman. Gera þetta 3svar – 4 sinnum við hverja köku.

Hitaðu botnfylli af olíu í pönnu og grunnsteiktu pooribrauðið á báðum hliðum. Það blæs út eins og blaðra, vertu viðbúin/n að snúa því eða kippa úr pönnunni og láta olíuna renna af því á eldhúspappír.