Warning: Cannot modify header information - headers already sent by (output started at /home/allskonar/Sites/allskonar.is/allskonar/wp-content/themes/tasty/header.php:3) in /home/allskonar/Sites/allskonar.is/allskonar/wp-content/themes/tasty/header.php on line 11
allskonar.is | Donburi núðlur
Print Friendly

Donburi er japanska og þýðir skál og er vísað til að skálin sé full af núðlum eða grjónum og kjöti.

Í uppskriftina notaði ég japanskar núðlur, en þú getur notað  hvaða núðlur sem þér finnst bestar.

Uppskriftin er fyrir 2-3.

Donburi núðlur með kjöti

  • 250gr japanskar núðlur
  • olía
  • 1 blað grænkál
  • 3 skallottulaukar
  • 350gr nautavöðvi, þunnt sneiddur
  • 2 tsk hunang
  • 1 msk þurrt sherry
  • 2 msk mirin
  • 1 msk sojasósa
  • 3 egg
  • nokkur strá graslaukur

Undirbúningur: 15 mínútur

Eldunartími: 10 mínútur

Byrjaðu á að sjóða núðlurnar skv. leiðbeiningum á pakkanum.

Skerðu skallottulaukinn og grænkálið í þunnar sneiðar. Sneiddu kjötið eins þunnt og þú getur, 5-7mm er ágætt.

Hitaðu olíu í pönnu og steiktu lauk og grænkál í 2 mínútur. Bættu þá við kjötinu og hunanginu og steiktu í 3 mínútur. Bættu sherry, mirin og sojasósu saman við og hrærðu vel.

Lækkaðu hitann og láttu sjóða þar til nær allur vökvi er farinn eða í um 2-3 mínútur.

Á meðan tekurðu eggin og slærð þeim saman í skál.
Helltu þeim yfir kjötið á pönnunni og settu lok á. Láttu malla í 2 mínútur eða þar til eggin eru til.

Hrærðu vel í pönnunni til að blanda öllu saman og settu svo saxaðan graslauk yfir.

Leggðu núðlur í skál eða á disk og settu kjötblönduna yfir.

Yndislega gott.