Warning: Cannot modify header information - headers already sent by (output started at /home/allskonar/Sites/allskonar.is/allskonar/wp-content/themes/tasty/header.php:3) in /home/allskonar/Sites/allskonar.is/allskonar/wp-content/themes/tasty/header.php on line 11
allskonar.is | Alvöru tómatsósa
Print Friendly

Þegar þú hefur smakkað alvöru heimalagaða tómatsósu þá hættirðu að kaupa hana úti í búð.

Hana er einfalt að búa til og  í hana mega fara van- eða ofþroskaðir tómatar, linir eða harðir, bleikir eða rauðir. Og þú veist nákvæmlega hvað fer í hana og hvenær hún var búin til.

Alvöru tómatsósa

  • 5 negulnaglar
  • 7 cm kanilstöng
  • 1 lárviðarlauf
  • 1/4 tsk sellerísalt
  • 1/8 tsk þurrkaðað chilli flögur
  • 1/4 tsk allrahanda, malað
  • 1/4 tsk sinnepsduft
  • 12 tómatar, grófskornir
  • 1 laukur, fínsaxaður
  • 1 tsk sjávarsalt
  • 1 dl edik (epla eða hvítvíns)
  • 5 msk hrásykur
  • 1 rautt chili, fræhreinsað og fínsaxað
  • 1 hvítlauksrif, marið

Undirbúningstími: 25 mínútur

Eldunartími: 90 mínútur

Útbúðu lítinn kryddpoka úr grisjuklút. Í hann seturðu negulnagla, lárviðarlauf, kanilstöng (brjóttu hana niður), sellerísalt, chilliflögur, sinnepsduft og allrahanda. Bittu vel fyrir pokann, hann þarf að fara út í pottinn á eftir og sjóða með tómötunum.

Finndu til stóran pott og settu í hann tómatana, skerðu þá í stóra bita en taktu úr þeim miðjuna og allt grænt. Með tómötunum seturðu sjávarsaltið, edikið, sykurinn, laukinn, kryddpokann þinn fína og rauða chilli-ið, og hvítlaukinn. Merðu hvítlaukinn með hvítlaukspressu eða kremdu hann með hníf og fínsaxaðu. Láttu þetta svo malla á meðalhita í 45 mínútur.

Taktu þá kryddpokann úr pottinum og blandaðu öllu vel saman með töfrasprota eða í matvinnsluvél. Þú getur líka stappað þessu í gegnum sigti.

Settu allt í pott aftur og sjóddu niður til að þykkja sósuna í um 30-40 mínútur.

Smakkaðu vel til, þú gætir viljað salta eða sykra meira, en athugaðu að bragðið á eftir að magnast og lagerast á nokkrum dögum, og þú borðar venjulegast tómatsósu kalda.

Þetta geymirðu svo í krukku(m) inni í ísskáp í allt að 1 mánuð. -ef þetta endist svo lengi!