Warning: Cannot modify header information - headers already sent by (output started at /home/allskonar/Sites/allskonar.is/allskonar/wp-content/themes/tasty/header.php:3) in /home/allskonar/Sites/allskonar.is/allskonar/wp-content/themes/tasty/header.php on line 11
allskonar.is | Á salatið
Print Friendly

Hér koma fjórar einfaldar uppskriftir af dásamlegum dressingum fyrir sumarsalatið.

Ein með öllu

  • 2 dl majones
  • 2 dl sýrður rjómi
  • 1 msk ólífuolía
  • 1/2 sítróna, safi og börkur
  • 1 hvítlauksrif, marið
  • 1 tsk salt
  • smá pipar
  • 1 dl súrmjólk
  • 2 msk tabasco
  • 1 msk púðursykur
  • 1 msk edik
  • smá steinselja og graslaukur

Undirbúningur: 5 mínútur

Settu allt hráefnið í matvinnsluvél og maukaðu í um 15 sekúndur þar til allt hefur maukast vel saman.

Þessi súrsæta

  • 3 skallottulaukar, fínsaxaðir
  • 2 msk smjör
  • 1 dl hvítvínsedik
  • 2 dl ólífuolía
  • 1 msk sojasósa
  • 1 msk hlynsýróp
  • 1 tsk púðursykur eða hrásykur
  • salt og pipar

Undirbúningur: 5 mínútur

Eldunartími: 20 mínútur

Bið/Kæling: 10 mínútur

Settu smjörið á pönnu og steiktu skallottulaukinn við lágan hita í 20 mínútur eða þar til hann verður mjúkur og fer að verða sætur.

Kældu í 10 mínútur og blandaðu svo saman við öll hin hráefnin.

Smakkaðu til með salti og pipar.

Appelsínu og sesam dressing

  • 3 msk repjuolía
  • 3 appelsínur, safi
  • börkur af 1 appelsínu
  • 1 msk sítrónusafi
  • 1 msk sesamfræ
  • 2 tsk Dijon sinnep
  • salt og pipar

Undirbúningur: 5 mínútur

Ristaðu sesamfræin á pönnu í 30 sekúndur. Settu í skál ásamt appelsínusafa, sinnepi, sítrónusafa og þeyttu vel saman. Rífðu börk af 1 appelsínu út í og smakkaðu til með salti og pipar.

Klassísk frönsk

  • 3 msk ólífu olía
  • 2 msk sítrónusafi
  • 2 hvítlauksrif, marin
  • 1 tsk sinnepsduft
  • 1/4 tsk cayenne pipar
  • salt og pipar

Undirbúningur: 5 mínútur

Blandaðu öllu saman í skál og þeyttu vel saman.

Það er gott að rífa á rifjárni einn skallottulauk, kreista smá sítrónu- eða lime safa yfir, þá eldast laukurinn og verður sætur og missir rammt laukbragðið. Hræra svo smá olíu saman við og 1 tsk af hunangi.

Góð olía og salt og nýmalaður pipar stendur alltaf fyrir sínu yfir salat, hvort sem það er ólífuolía, valhnetuolía eða hvaða olía sem er í uppáhaldi hjá þér.

Hvað finnst þér best?