_MG_0816

Hjartalagað með kaffinu

Það er ekkert sem segir að við þurfum alltaf að hafa kassalaga sykurmola. Það er lítið mál að búa til sykurmola í hvaða formi sem við viljum. Það eina sem við þurfum er sílíkon klaka- eða konfektform, sykur og örlítið af vatni.

Þú setur sykur í skál, bætir örlitlu (byrja á 1-2 tsk) af vatni út í, hrærir vel og lengi. Sykurinn  á rétt að loða saman, hann má alls ekki vera rennblautur.

Sykurinn er svo settur í mót og honum þrýst vel niður, látið hann síðan stirðna í 6-12klst á þurrum og hlýjum stað.

Og þá ertu komin/n með sykurmola eftir eigin höfði.