Settu jógúrtina í skál og bættu gerinu út í. Hrærðu vel saman

Bættu nú kóríandernum og vatninu út í jógúrtið og hrærðu hratt og vel saman.

Því næst seturðu 100gr af hveiti út í jógúrtblönduna og hrærir vel saman, hér getur verið gott að nota hendurnar. Legðu nú viskustykki yfir skálina og settu hana á hlýjan stað og láttu þetta hefast í 25 mínútur

Eftir 25 mínútur tekurðu deigið og bætir salti, 2 msk af olíu og 200gr af hveitinu saman við og hnoðar vel svo að blandist vel saman. Þetta er sett í skál undir stykki og látið hefast í 1 klst.

Taktu nú deigið úr skálinni og hnoðaðu það létt í 1 mínútu.

Skiptu deiginu í fjóra jafna hluta. Taktu hvern hluta og flettu út í hringlaga köku, jafnstóra og pannan sem þú ætlar að nota til að steikja kökurnar á.

Hitaðu pönnuna við meðalhita og penslaðu þá hlið á kökunni,  sem þú ætlar að láta snúa niður í pönnunni, með olíu. Steiktu kökuna á pönnunni í hálfa til 1 mínútu á hvorri hlið, mundu að pensla kökuna áður en þú snýrð henni. Hér dugar best að nota augun, þú vilt ekki brenna kökurnar en heldur ekki hafa þær hráar. Horfðu eftir fallega brúnum lit á kökunum.

Eldunartími: 45 mínútur

Settu apríkósurnar, sveskjurnar, limebörkinn og limesafann og púðursykurinn í matvinnsluvél eða mortél og búðu til mauk. Settu til hliðar.

Láttu pönnu á góðan hita og þurrsteiktu cuminfræin þar til þau fara að ilma vel, athugaðu að þau geta brunnið hratt, fylgdust vel með. Settu þau til hliðar.

Hitaðu nú olíuna á pönnu og steiktu laukinn og hvítlaukinn í 3-4 mínútur eða þar til laukurinn verður glær og mjúkur.

Bættu þá við engiferrótinni og steiktu í 1-2 mínútur í viðbót. Hrærðu vel í á meðan.

Nú malarðu cumin fræin og setur út í pönnuna, bætir svo við linsubaununum, lárviðarlaufunum og soðinu. Hrærðu sveskjumaukinu vel saman vaið og láttu þetta allt sjóða í um 25 mínútur eða þar til linsubaunirnar eru soðnar.

Döðlunum er nú bætt í og hrært vel, láttu þetta malla allt í 2-3 mínútur í viðbót.

Berðu fram með baunaspírum eða ferskum kóríander, granateplafræjum eða ferskri myntu, og heimagerðum flatkökum.

Undirbúningstími: 30 mínútur

Eldunartími: 15 mínútur

Settu sykur og edik í pott á lágan hita og hrærðu vel í á meðan að sykurinn leysist upp, þá má slökkva undir pottinum.

Helltu olíunni í stóra pönnu á meðalhita og steiktu hvítlaukinn og engiferinn í hálfa mínútu þegar olían er orðin heit. Bættu þá á pönnuna blómkálinu, gulrótunum og rófunum og hrærðu vel svo að grænmetið verði þakið í olíu. Lækkaðu undir pönnunni og settu kryddið yfir og blandaðu vel saman. Því næst hellirðu ediks-sykurblöndunni yfir og hrærir vel.

Taktu pönnuna af hitanum og leyfðu öllu að kólna.

Þetta er sett í stóra krukku (1-2 krukkur) og ediki og olíunni úr pönnunni hellt yfir.

Það er hægt að borða þetta strax en þetta má geyma í ísskáp í allt að 1 mánuð.

Eldunartími: 15 mínútur

Sigtun: 2-3 klst

Settu mjólk, sýrðan rjóma, sítrónusafa og salt í pott.

Láttu suðuna koma upp hægt og um leið og byrjar að sjóða þá lækkarðu nægilega til að hitinn haldist en sjóði ekki í pottinum.

Svona á þetta að malla í 15 mínútur. Þetta fer allt að hlaupa og ysta, sem er akkúrat það sem við viljum.

Klæddu nú sigti að innan með grisjuklút og helltu úr pottinum í sigtið. Ef þú vilt þá geturðu haldið eftir vökvanum sem rennur undan og notað hann í bakstur í staðinn fyrir mjólk.

Ekki láta koma þér á óvart hversu lítið verður eftir í sigtinu, hver arða af ostinum er dásamlega flauelsmjúk og algerlega verksins virði.

Láttu ostinn sitja í grisjunni í sigtinu í 2-3 klst og taktu svo og hnoðaðu í kúlu eða rúllu, settu smá salt og svartan pipar yfir og smávegis af góðri lífrænni extra virgin ólífuolíu.

Þetta er æðislegt með þunnu kexi og góðru rauðvínsglasi sem kvöldhressing. Það má líka setja ostinn í skál og hræra hann í sundur með gaffli og bæta í hann fínt skornu grænmeti eins og tómat og gúrku og þá er kominn fyrirtaks morgunverðarostur á hrökkbrauðið.

Osturinn geymist í 5-6 daga í ísskáp undir plasti.

Undirbúningstími: 30 mínútur

Bökunartími: 45 mínútur

Hitaðu ofninn í 180°C.

Smyrðu jólakökuform að innan með smá smjöri og hristu örlítið hveiti í formið líka.

Settu hveiti, sykur, lyftiduft og salt í skál og blandaðu saman.

Bræddu smjörið í potti og slökktu undir honum, rífðu börk af 1 appelsínu út í pottinn og kreistu safann úr appelsínunni saman við. Settu 4-5 msk af vatni saman við og hrærðu vel. Blandaðu nú egginu út í smjörblönduna og hrærðu vel saman.

Blandaðu eggja/smjörblöndunni saman við þurrefnin og hrærðu þannig að blandist vel saman. Hrærðu þá valhnetunum og trönuberjunum varlega saman við.

Helltu deiginu í mótið, það er svolítið þykkt svo að þú þarft að laga það til þannig að fylli vel út í mótið. Gott getur verið að slá létt í mótið til að fá deigið til að setjast betur út í hornin.

Bakaðu í 45 mínútur, eða þar til þú getur stungið tannstöngli í miðja kökuna og hann kemur hreinn út.

Taktu úr ofninum og látu sitja í 4-5 mínútur, taktu svo úr mótinu og láttu kólna á grind.

Eldunartími: 30 mínútur

Hitaðu olíuna í stórri pönnu við meðalhita, steiktu laukinn í 5 mínútur eða þar til hann fer að verða ljósgullinn. Bættu þá við hvítlauk, engifer, cumin, túrmerik og kanilstönginni og steiktu í 1-2 mínútur eða þar til allt fer að ilma vel. Hrærðu vel í á meðan.

Settu nú cayenne piparinn, tómatana, saltið og  vatn (fylltu tómatdósina). Láttu malla með loki í 10 mínútur.

Skerðu fiskinn í bita og leggðu hann í pönnuna þannig að hann fari á kaf helst. Settu þá lokið aftur á og láttu sjóða í 5-8 mínútur eða þar til fiskurinn er næstum því tilbúinn. Bættu þá við kjúklingabaununum og hunanginu, hrærðu vel og sjóddu í 2 mínútur í viðbót. Smakkaðu til með salti og pipar.

Bökunartími: 70-80 mínútur

Hitaðu ofninn í 90°C á blæstri / 100°C á undir og yfirhita.

Sneiddu eplið niður í ofurþunnar sneiðar, ekki hugsa um að reyna að ná kjarnanum úr, hann skiptir engu máli og steinarnir detta úr.

Settu bökunarpappír á plötu, stráðu 1 msk af flórsykri á hana og raðaðu eplasneiðunum á plötuna þannig að þær snertist ekki. Blandaðu saman 2 msk af hlynsýrópinu og 1 msk af flórsykri og penslaðu eplin með blöndunni.

Settu plötuna inn í ofninn, reyndu að hafa örlitla rifu á ofnhurðinni til að hleypa raka út. Nú eiga eplin að bakast í 45 mínútur eða þar til þau fara að krullast upp á köntunum.

Þá tekurðu þau út úr ofninum og penslar með afganginum af hlynsýrópinu og stráir valhnetunum yfir. Bakar svo aftur í 25-30 mínútur.

Taktu eplin af plötunni og raðaðu þeim á bökunargrind og láttu kólna. Þau verða stökk þegar þau kólna og þá er hægt að borða þau. Þú getur líka sleppt sýrópinu og flórsykrinum, stráð kanil yfir eplin eða smávegis rósmaríni, notað hunang í staðinn fyrir sýróp, eða haft eplin bara eins og þau koma fyrir án nokkurs annars.